Harkivde vitse baş nazir İrına Vereşçuk, Harkiv vilâyetinde gumanitar qarşılığınen bağlı oturışnı keçirdi.

 

Oturışta Harkivniñ VAMniñ başı Oleh Sıneğubov, şeeriniñ yolbaşçısı İhor Terehov, halq mebusları Oleksandr Bakumov, Pavlo Yakımenko, Viktoriya Kinzburska, Oleksiy Krasov, Mariya Mezentseva, Pavlo Suşko ve Yevhen Pıvovarov iştirak ettiler.

 

Bundan ğayrı, Tış işleri nazirligi, İqtisadiyat nazirligi, Mudafaa nazirligi, Energetika nazirligi, Agrar siyaseti nazirligi, Maliye nazirligi, Adalet nazirligi, İçtimaiy siyaset nazirligi, Ukraina Silâlı Quvetleri, Fevqulâde vaqialar devlet hızmeti, Devlet bergi hızmeti, “Ukrzaliznıtsâ” AT, halqara teşkilâtlarnıñ vekilleri ve başqaları bar edi.

 

İştirakçiler, keçenlerde qabul etilgen Nazirler Şurasınıñ qararını yerine ketirüvini muzakere ettiler. Bu vesiqa, şu cümleden, qale qurulışları ve ilâhre içün kereklidir.

 

İrına Vereşçuk, bu qararnı yerine ketirmek içün İqtisadiyat nazirliginiñ qoşma añlatmaları kerek olğanını qayd etti.

 

Bundan ğayrı, Harkiv vilâyetiniñ cebede bulunğan topraqlarında ealiniñ zayıf kategoriyalarını odunnen temin etüvniñ ameliy meseleleri muzakere etildi. Başqa şeylernen beraber, leyhanıñ ömürge keçirilmesi içün halqara teşkilâtlarnıñ resurslarını celp etmek kerekligi qayd etildi. Şu cümleden, odunlarnıñ cemiyetlerge ketirilmesinen bağlı edi.

 

Bundan başqa, Harkiv vilâyetiniñ qale qurulışları içün odun malzemeleriniñ ihtiyacını temin etüv meselesi de muzakere etildi.

 

Bundan da ğayrı, Harkiv vilâyetinde Rusiye Federatsiyasınıñ silâlı tecavuzı neticesinde zarar körgen ya da yoq etilgen mesken içün tazminat meselesi de muzakere etildi.

 

“Biz Harkiv vilâyetiniñ sakinlerini kerekli resurslarnen temin etmek içün elimizden kelgenini yapamız. Bütün müessiseler ve teşkilâtlarnıñ uyğun çalışması — missiyamıznıñ muvafaqiyetli eda etilmesiniñ anahtarıdır”, — dep İrına Vereşçuk hulâsa çıqardı.