Bu vaqıtqa qadar cenkte yoq etilgen obyektlerni faal cenk areketleri toprağında eyyet içün baqıp çıqmağa ve qayd etmege imkânsız edi.

Şunıñ içün bu topraqlarda yoq etilgen obyektler aqqında malümat zarar körgen ve yoq etilgen mülkniñ devlet cedveline kirsetilmey edi. Buña köre vatandaşlar tamir etüv programması çerçivesinde tazminatnı alıp olmadılar.

Bu meseleni çezmek maqsadınen, tünevin Nazirler Kabineti 2022 senesi çiçek ayınıñ 19-ndaki 473. qararına deñişmeler kirsetti.

Deñişmelerge binaen, vekâletli organnın qararına köre ve telükesizlik vaziyetini köz ögüne alıp, devlet elektron malümat resursları çalışqan cenk areketleriniñ topraqlarında yoq etilgen obyektlerniñ teşkerüvini mütenasip eyyet keçire bile.

Eyyet tarafından yapılacaq teşkerüvniñ neticeleri boyunca vesiqa, böyle obyektlerniñ saipleri yoq etilgen meskeni içün tazminat ala bilirler.

Mütenasip aktnıñ leyhası, Donetsk vilâyetiniñ cebe civarındaki cemaat teşkilâtlarınıñ ricasınen ve vitse baş nazir İrına Vereşçuknıñ reberliginde keçirilgen DAK içün mesken meseleleri oturışlarınıñ neticelerine köre Astyapı nazirligi tarafından azırlandı.