Harkiv ve Donetsk VAMleriniñ qararı, vitse baş nazir İrına Vereşçuknıñ yolbaşçılığında keçirilgen oturışta arbiy vaziyet şaraitinde ealiniñ mecburiy tahliye etilmesi meseleleeri idare ştabınıñ azaları tarafından rey birliginen desteklendi.

 

Harkiv vilâyeti

 

Harkiv vilâyetiniñ İzüm, Kupçânsk, Harkiv ve Çuğuyiv rayonlarınıñ 38 meskün yerinden qorantalarınen beraber 186 balanıñ mecburiy tahliye etilmesi qabul etildi.

 

Tahliye 60 kün devamında yapılacaq.

 

Harkiv vilâyetinden tahliye olunmaq içün toplama ve qabul etüv noqtaları açıldı.

 

Cebe yanındaki topraqlardan tahliye etmege istegenler Harkiv VAMniñ sıcaq telefon hattınıñ nomerasına telefon ete bileler: 0 800 339 291.

 

Donetsk vilâyeti

 

Bu Kramatorsk rayonınıñ Liman ve İllinivsk topraq cemiyetleriniñ meskün yerleridir. Umumen, 38 bala ana-babası ya da başqa qoruyıcılarınen beraber tahliye etilecek.

 

Evelden yazılmaq içün, Donetsk VAMniñ tahliye meseleleri sıcaq hattına 0 800 408 911 telefon etmek kerek.

 

Telükesiz bölgelerde Harkiv ve Donetsk vilâyetlerinden tahliye etilecek balalar ve olarnıñ yanında olacaq şahıslar bedava sığınacaq, gumanitar yardım, ruhiy destek ve ilâhrenen temin etilecek.

 

Oturış devamında İrına Vereşçuk balalarnı telükeli yerlerden tahliye etüv ceryanına qoşulğan er keske minnetdarlığını bildirdi.

 

Hatırlatamız ki, tahliye bedava keçirile.

 

Tahliye olunmağa istegiñiz aqqında 24 saat devamında çalışqan ReNazirliginiñ 15-48 sıcaq hattına da bildirmek mümkün. WhatsApp/Telegram/Viber messengerleri vastasınen haberler etmek içün: (096) 078-84-33 nomerası bar.