Bu teşebbüs, vitse baş nazir İrına Vereşçuknıñ yolbaşçılığınen keçirilgen veteranlar siyaseti meseleleri oturışında muzakere etildi.

 

Leyha bu sene saban ayında başlandı. Onıñ teşebbüsçisi Dnipropetrovsk vilâyetiniñ yolbaşçısı Serhiy Lısak oldı.

 

Bu ğayeniñ maqsadı, cemiyet ayatına qaytqan veteranlarğa tolerant munasebet medeniyetini terbiyelemektir.

 

Leyha, bütün qıyınlıqlarnı yeñmek ve ayat devam etkenini isbatlamaq imkânını köstergen mudafaacılarnıñ ikâyelerini taqdim ete.

 

Leyhanıñ elçileri cenk tecribesi ve çeşit yaralanmalar alğan askerler oldı. Buña baqmadan, olar vazgeçmediler ve karyeralarında, sportta ve icadında büyük muvafaqiyetlerge iriştiler.

 

“Musaviy olğan musaviy olğanğa” printsipi üzerinde, bu veteranlar öz qardaşlarınıñ vatandaşlıq ayatına qaytuv yolunıñ yolbaşçıları ola.

 

Şimdi teşebbüs Dnipropetrovsk vilâyetinde kirsetildi. Muzakereler vaqtında İrına Vereşçuk bu içtimaiy-tasil leyhasını başqa saalarğa da tarqatmağa teklif etti.