Odesa vilâyetindeki Reni limanında çetel yük gemisi tutuldı. Qayd etilgen gemi, vaqtınca işğal etilgen Qırım limanlarından agrara aşaytnı qanunsız olaraq yaldap çıqardı.

 

Baş prokurorlıqnıñ Ofisiniñ saytında bu aqqında haber berdiler.

 

Taqiqat, Kamerun bayrağı altında geminiñ, Ukraina qanunlarını ve halqara deñiz uquqınıñ qaidelerini bozıp, 2023 ve 2024 seneleri eki kere işğal etilgen Aqyarda Ukraina tarafından qapatılğan limanğa kirip çıqqanını belgiledi.

 

Qanunsız faaliyetni gizlemek içün gemide avtomatik identifikatsiya sistemasını söndürdiler, bu ise deñiz telükesizligi talaplarınıñ qaba bozuluvıdır.

 

Şimdilik geminiñ Azerbaycan vatandaşı olğan kapitanına vaqtınca işğal etilgen Ukrainağa kiriş ve çıqış tertibini bozğanında şübeli sayıla. Geminiñ ARMA idaresine berilmesi meselesi al etile.

 

Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk ukrain quvet müessiselerine qanunsız şahıslarğa nisbeten alınğan tedbirler içün minnetdarlığını bildirdi.

 

«Yapqanları işleri içün uquq qorçalayıcılarımızğa teşekkürler bildirem. İşğalcilerge cezasız yardım ete bileceklerini tüşüngenler içün bu güzel bir ders. Erte ya da keç Ukraina qanunlarını VİETda bozğan bütün iştirakçilerni cezalandıracaq», — dep memur qayd etti.

 

Ukraina qanunlarınıñ VİETda bozuluvı aqqında bilgen olsañız, bunı ReNazirliginiñ 1548 sıcaq hattına bildiriñiz.