Ukraina Prezidenti yanındaki Yerli ve bölge akimiyetleriniñ kongressi platformasında devlet ve cemiyetlerniñ veteranlar siyasetini yerine ketirmesinde işbirligi mevzusında “İletişimde merkeziyetsizlik: veteran siyasetleriniñ prioritetleri — devlet ve topraq cemiyetleriniñ işbirligi algoritmleri” tögerek masası keçirildi.

Munaqaşağa Ukraina Prezidenti yanındaki Yerli ve bölge akimiyetleriniñ kongressiniñ ofisiniñ başı Vâçeslav Neğoda, halq mebusları Anatoliy Ostapenko ve Taras Tarasenko, Veteranlar meseleleri naziriniñ muavini Maksım Kuşnir, İçtimaiy siyaset naziriniñ muavini Ulyâna Tokareva, Sağlıq naziriniñ birinci muavini Serhiy Dubrov, em de yerli akimiyet organlarınıñ vekilleri qoşuldılar.

Reabilitatsiya, raqamiy hızmetler, iş, oquv, mesken, VLK islâatını öz içine alğan yañı veteranlar siyaseti ceetinde 2024 senesine Ükümetniñ areket planını muzakere ettiler.

«Biz, ükümet olaraq, cemiyetlerde çalışqan veteran işiniñ modellerini tapıp, olarnı tez bir zamanda kenişletmek kerekmiz. Yani, cemiyet çalışqanını yapa, devlet ise inkişaf ettire», — dep vitse baş nazir qayd etti.

«Yerlerde veteran işçilerniñ astyapısı çerçivesinde çalışamız. Şimdi ise biz devlet boyunca bir institutsional çerçiveni yaratmaq kerekmiz», — dep İrına Vereşçuk qayd etti.

Hatırlatamız ki, İrına Vereşçuk Ukraina Prezidenti yanında Yerli ve bölge akimiyetleriniñ USQni destek ve qaramanlar siyaseti meseleleri kongressiniñ eyyetiniñ başıdır.