Aynı bu miqdar, küz-qış mevsiminde Gumanitar qarşılıq planı çerçivesinde gumanitar teşkilâtlardan eñ azından bir yardım türüni alğan vatandaşlarnıñ sayısıdır.

Birleşken Milletler Teşkilâtınıñ Ukrainada gumanitar işler meseleeri idaresinde (OCHA Ukraine) bu aqqında haber berdi.

Keçken seneniñ orta küz ayından bu seneniñ msabanart ayına qadar 950 biñden çoq ukrain vatandaşına para ya da yaqarlıq şeklinde yardım kösterildi. 470 biñ vatandaş urba, yataq çantası ya da başqa donatma, daa 310 biñ — sıcaq urba  aldı.

140 biñ muhtac insanğa qızdıruv aletleri berildi. 410 biñden çoq insan içün qızdıruv sistemalarınıñ tamiri temin etildi.

12 biñ ukrain vatandaşı qış ayları içün mesken kira yardımını aldı. Bundan ğayrı, DAK qış müddetini keçirmek içün vaqtınca yaşağan yerlerinde tamir işleri yapıldı. Bu, aman-aman 7 biñ köçip kelgenniñ yaşayış şaraitini yahşılaştırmağa yardım etti.

ReNazirligi de cebedeki vilâyetlerge küz-qış mevsimine azırlıq yapmağa yardım ete. Şu cümleden, cebe yanındaki topraqlarnıñ qatı yaqarlıqnen teminatnı idare ete. Bu ceette nazirlik halqara gumanitar qarşılıq ve halqara donorlarnen sıq işbirlikte buluna.