Anda Ukraina Prezidenti Volodımır Zelenskıy, Prezident ofisiniñ yolbaşçısı Andriy Yermak ve onıñ muavinleri, Yuqarı Şuranıñ reisi Ruslan Stefançuk, baş nazir Denıs Şmığal, vitse baş nazir İrına Vereşçuk ve Nazirler Kabinetiniñ başqa vekilleri iştirak ettiler.

Bundan ğayrı, kilse, diniy teşkilâtlarnıñ yolbaşçıları, papazlar, havfsızlıq ve mudafaa quvetleriniñ yolbaşçıları, çetel diplomatları bar edi.

Aziz babalar Ukraina içün ğalebe ve barışıq içün dua ettiler.

Ukraina devletçiligi künü ve Kıyiv Rus-Ukrainanıñ vaftizi künü munasebetinen Prezident arbiy ve başqa zenaatlarnıñ vekillerini devlet mukâfatlarınen taqdirledi.

İştirakçiler Ukraina içün canını feda etkenlerniñ hatırasını bir daqiqalik sükünetnen añdılar. Volodımır Zelenskıy, elâk olğan Ukraina Qaramanlarınıñ tuvğanlarına “Altın Yıldız” nişanını berdi.

Öz muracaatında Prezident er bir ukrainalınıñ devletimizniñ mustaqilligini saqlap qalmasında isse qoşmasınıñ müimligini qayd etti.