Endi cenk areketleriniñ iştirakçisi statusını (UBD) almaq içün arizalarnı, qayd etilgen yaşağan yerlerine baqmadan, Memuriy hızmetler merkezinde bermege mümkün olacaq. Bunı Ükümet portalında aytılar.

Bundan ğayrı, yaqın kelecekte Diia portalında UBD statusını resmiyleştirmek mümkün olacaq.

Böyle deñişmeler tek qoruyıcılarnıñ ayatını qolaylaştırmağa degil, arbiy bölüklerniñ de yüküni azlaştırmağa imkân berecek.

Çünki keçenlerde böyle statusnı elde etmek içün vesiqalarnı mahsus eyyet ya da arbiy bölükke muracaat ete ediler. Eki alda da vesiqalarnı toplamaq ve makeme oturışlarını çoq beklemek kerek edi.

Arbiy areketlerniñ iştirakçisi statusınıñ berilüv tertibiniñ sadeleştirilüvi meselesi, vitse baş nazir İrına Vereşçuknıñ yolbaşçılığında er aftalıq veteranlar siyaseti meseleleri oturışlarında baqıldı.