![](https://minre.gov.ua/wp-content/uploads/2024/07/photo_2024-07-07_12-09-41.jpg)
Bugün Zaporijjâ şeerinde vitse baş nazir İrına Vereşçuk ZaporijjA VAMniñ vatandaş ealisine destek idare merkeziniñ keñleştirilgen oturışını keçirdi.
Oturışta ReNazirligi, Zaporijjâ VAM, rayon arbiy memuriyetleri, topraq cemiyetlerniñ vekilleri, şeer, qasaba ve köy şuralarınıñ yolbaşçıları iştirak ettiler.
Veteranlar siyaseti saasında leyhalarnıñ amelge keçirilüvi muzakere etildi. Şu cümleden, veteranlarnıñ reintegratsiyası, arbiy hızmetten vatandaşlıq ayatına keçüvinde olarğa destek ve yardım, em de reabilitatsiya meydanlarınıñ işi.
Bundan da ğayrı, devlet içinde köçip kelgenlerge qoltutuv devlet programmalarınıñ amelge keçirilüvi baqıldı. Şu cümleden, DAK Şurasınıñ iş hususiyetleri muzakere etildi.
Oturışta muzakere etilgen meseleler arasında Zaporijjâ vilâyetiniñ VİETlarından tahliye etilgen vatandaşlarğa qol tutuvnıñ ameliy yolları da bar edi.
“Zaporijjâ VAMniñ taqımı ve vilâyet cemiyetlerine veteranlar siyaseti ve DAKge qoltutuv yönelişlerindeki neticeleri içün minnetdarım”, – dep vitse baş nazir hulâsa çıqardı.