![](https://minre.gov.ua/wp-content/uploads/2024/07/photo_2024-07-07_12-09-41.jpg)
Bugün daa bir esir deñişüvi oldı. Daa 95 qorçalayıcı duşman esirliginden azat etildi.
Şu cümleden, esirlikten Ukraina Silâlı quvetleriniñ 49 askeri, 10 arbiy deñizci, 21 milliy gvardiya askeri, 7 topraq mudafaacısı, 5 sıñırcı, 2 Devlet mahsus naqliyat hızmetiniñ vekili ve 1 topraq cemiyetniñ göñülli qoruyıcısını qaytarıp oldılar.
Esirlikten azat etilgenler arasında habersiz ğayıp olğan dep sayılğan qorçalayıcı da bar.
Esirlerniñ deñişimi Ukraina Prezidenti Volodımır Zelenskıynıñ avalesi ve Prezident Ofisi, Mudafaa nazirliginiñ Baş istihbarat idaresi, Ukraina Havfsızlıq hızmeti, İçki işler nazirligi, RNazirligi ve başqa müessiselerniñ ortaq ğayretinen yapıldı.
Ukraina Birleşken Arap Emirliklerine deñişimniñ azırlanmasında yardım ve aracılıq etkeni içün minnetdarlıq bildire.
Adet üzre azat etilgenlerge Milliy malümat bürosı ve ReNazirligi tarafından azırlanğan aşayt paketleri ve çantalar berilecek.
Bundan da ğayrı, MMB azat etilgen esirlerge vesiqalarnı ve sim-kartnı yanıdan almağa yardım etecek. Ve devletten 100 biñ grivna miqdarında bir kerelik para yardımını almaq içün vesiqalarnı resmiyleştirmege yardım etecek.
Bugünki arbiy esirlerniñ deñişüvi — Rusiye Federatsiyasınıñ istilâsı başlağanından berli 54-inci bir deñişüvdir. Böylece umumen 3405 insan duşman esirliginden azat etildi.