![](https://minre.gov.ua/wp-content/uploads/2024/07/photo_2024-07-06_15-40-31.jpg)
Tehnikiy ve maliye işbirligi aqqında mütenasip añlaşmanı Ukraina baş naziri Denıs Şmığal ve Belçika baş naziri Aleksander De Kroo imzaladılar. Ükümet portalında bu aqqında haber etildi.
Para Kıyiv ve Çernihiv vilâyetlerinde energetik ve içtimaiy astyapınıñ ğayrıdan tiklenilmesine üleştirilecek.
Bundan ğayrı, imzalanğan añlaşma umumiy programma ve leyhalarnıñ yerine ketirilmesini qolaylaştıracaq, Ukrainanıñ ğayrıdan tiklenüvine, iqtisadiy ve içtimaiy inkişafına yardım etecek.
Bundan ğayrı, añlaşmanıñ esasında Belçikanıñ Enabel inkişaf agentligi Ukrainada temsilciligini açacaq.
Hatırlatamız ki, mayıs ayında vitse baş nazir İrına Vereşçuk Enabel temsilcilerinen iş körüşüvini keçirdi. İştirakçiler devlet içinde köçip kelgenlerniñ ve cenk veteranlarınıñ reintegratsiyası boyunca işbirlik imkânlarını muzakere ettiler.