![](https://minre.gov.ua/wp-content/uploads/2024/07/photo_2024-07-06_15-40-31.jpg)
Bugünki oturışta vilâyet arbiy memuriyetleri ve Kıyiv şeeriniñ arbiy memuriyeti yanındaki 24 teşkilâtnıñ reberleri iştirak ettiler.
Tedbirde “Stabilization Support Service” Hayriye fondu” hayriye teşkilâtınıñ icracı müdiri Valeriya Verşınina ve BMTnıñ QMDİ temsilcisi Nadiya Vahovska da iştirak ettiler.
Oturışta DAKniñ vilâyet şuralarınıñ faaliyetindeki vaziyet baqıldı: esas çağıruvlar, meseleler, teklifler, çezüvler.
Hatırlatamız ki, Ukrainada DAKniñ Şuraları keçken sene yazda meydanğa ketirilmege başladı.
Şuranıñ vazifesi — yerlerde devlet içinde köçip kelgenlerniñ menfaatlarını qorçalamaq, akimiyetniñ bütün seviyelerinen ve cemaat ve halqara teşkilâtlarınen işbirlikte yardım etmektir. Em de, köçip kelgenlerniñ şimdiki meselelerini çezmege yardım, köçip kelgenlerniñ qabul etken cemiyetlerge alışmağa ve integratsiyasına yardım, köçip kelgen iş adamlarına yardım etmek ve ilâhre.
Al-azırda Ukrainada 873 DAKniñ şurası çalışa. Olardan 25 – VAM ve Kıyiv şeeriniñ arbiy memuriyeti, 114 – rayon arbiy memuriyetleri, 734 – yerli öz-özüni idare etüv organlarınıñ yanında çalışa.
“DAKniñ şuraları, devlet içinde köçip kelgenlerniñ menfaatlarınıñ esas temsilcileri olaraq teşkil etildi. Olar bir seneden berli bölgelerde çalışalar. Ve bugün biz olarnıñ çeşit vazifelerini eşittik. Bir sıra meseleler aqqında da eşittik. Bu birinci böyle oturış, amma soñki degil. İşlemek içün yerler ve areket etmek içün yerler bar. Teşkilâtçılarğa, muzakerege qoşulğan halqara ortaqlarımızğa teşekkürlerimni bildirem. Öz tarafımdan şunı aytmağa azırım: köçip kelgen insanlarımızğa qol tutmaq içün elimizden kelgenini yapacaqmız”, – dep oturışnıñ neticelerini çıqarğanda İrına Vereşçuk qayd etti.