Mıkolayiv vilâyetine iş ziyareti vaqtında vitse baş nazir İrına Vereşçuk Mıkolayiv vilâyetiniñ arbiy memuriyetiniñ yanında ealiniñ destek idare merkeziniñ keñleştirilgen oturışını keçirdi.

Oturışta Vitaly Kimniñ yolbaşçılığında Mikolayiv VAM, şeer ve rayon arbiy memuriyetleri, topraq cemiyetler, halqara ve cemiyet teşkilâtlarınıñ vekilleri, merkeziy icra akimiyetiniñ organlarınıñ topraq bölükleriniñ yolbaşçıları iştirak ettiler. Ukraina halq mebusları da bar ediler.

Oturışnıñ iştirakçileri energetika ve kelecek qızdıruv mevsiminde Mıkolayiv vilâyetiniñ ealisiniñ zayıf qatlamlarını yaqarlıqnen temin etüv meselelerini muzakere ettiler.

Muzakere etilgen meseleler arasında gumanitar qarşılıq ve küz-qış mevsiminde ealige yardım meseleleri de bar edi.

«Ükümet, Mıkolayiv vilâyetiniñ qışqa azırlanmasına yardım etmek içün elinden kelgenini yapacaq. Amma halqara ortaqlarımıznıñ yardımına da ümüt etemiz. Ğayretlerimizni birleştirip, biz insanlarğa mıtalqa yardım etecekmiz», — dep vitse baş nazir hulâsa çıqardı.