Vitse baş nazir İrına Vereşçuknıñ yolbaşçılığınen Harkiv vilâyetinde gumanitar qarşılıq iş oturışı keçirildi.

İştirakçiler, qış mevsiminde cemiyetlerniñ yaşayış temimatı meselesini muzakere ettiler. Şu cümleden, kelecek küz-qış mevsimini muvafaqiyetli keçirmeleri içün vilâyetniñ cebege yaqın bir qaç cemiyetiniñ memuriyetlerinen mahsus tedbirler muzakere etildi.

Oturışnıñ iştriakçileri, Nazirler Kabinetiniñ qararınıñ leyhasınıñ vaziyetini ögrendiler. Oña köre, ev hocalığınıñ ihtiyacları içün cebege yaqın topraqlarnıñ sakinleri öz başına yaqar odunnı satın ala bilirler. Şu anda aktnıñ leyhası, Nazirler Kabinetiniñ Kâtibiyetinde qayd etildi ve kelecekte Ükümet tarafından baqılacaq.

Bundan ğayrı, Harkiv vilâyetiniñ cebege yaqın topraqlarında yerleşken kommunal işhanelerge qızdıruv teminatınıñ fiyatınıñ farqını tamzin etüv meselesi baqıldı. Bölgeniñ yaşayış temin etken obyektlerniñ muntazam işini temin etmek içün vilâyetniñ topraq cemiyetlerine 15 mobil gaz ocaq bermege de muzakere ettiler.

«Harkiv vilâyeti, gumanitar qarşılıqnıñ diqqat ortasında qalmaqta. Kelecek qızdıruv messimini muvafaqiyetnen keçirmek içün resurslarımız ve ğayretlerimizni köstermelimiz», — dep İrına Vereşçuk qayd etti.