Bugün vitse baş nazir İrına Vereşçuk Kıyivde ukrain brendleriniñ eñ büyük platforması olğan “Vsi. Svoyi”ni ziyaret etti. Anda “Krıla” ukrain qadınlarına destek leyhasınen tanış oldı.

Kıyiv vilâyetinde teşebbüs Kanada ükümetiniñ desteginen “Pakt” teşkilâtı ve “Konviktus Ukraina” teşkilâtı tarafından amelge keçirile. O, öz biznesini qurğan ya da biznes ğayesi olğan qadınlarnıñ iqtisadiy refahını arttırmağa yardım ete.

Leyhada Lviv, Poltava, Harkiv vilâyetlerinde yaşağan qadınlar da iştirak eteler.

Leyhanıñ maqsat gruppası, hususan, köçip kelgen qadınlar, ömür arqadaşı devletni qorçalağan qadınlar, veteranlar ve qadınlarnıñ zayıf kategoriyalarıdır.

Programmada iştirak etken 551 qadın endi işnen oğraşa, 1078 qadın biznes treningini bitirdi, 480 qadın ise öz işi içün donatma ya da malzemeler almaq içün para aldı

“Men leyhağa maddiy destek köstergen Kanada ükümetine, Kıyiv VAM ve şahsen Kıyiv vilâyetiniñ işnen teminat merkeziniñ müdiri Denıs Darmostukqa ise – leyhanıñ ömürge keçirilmesinde yardım etkenleri içün minnetdarım. Böyle leyhalarğa ve insanlarımızğa qol tutayıq. Çünki olar ihtisaslı, istidatlı ve pek mevamlılar”, – dep İrına Vereşçuk qayd etti.