Volın vilâyetiniñ cemiyetlerine 73 insan tahliye etildi. Olarnıñ arasında 21 bala ve 7 saqatlı insan bar.

Bu sefer Ğrodovka, Dobropil, Drujkivka, Konstantınivka, Kramatorsk, Maryinka, Mirnoğrad, Novoprodivka, Pokrovka, Selıdivka, Sıversk ve Toretsk cemiyetleriniñ sakinleri telükeli bölgeni terk etmek qararını aldılar.

Tahliye renlerinde ayvanlarnı taşımağa ruhset berile, şunıñ içün qorantalar köpek, mışıq ve atta deñiz domuzlarını da alıp keteler.

World Central Kitchen tarafından tahliye etilgenlerge tibbiy ve ruhiy yardım, suv ve aş berile. Balalar ve ösmürlerge Halqara qurtaruv eyyetinden arqa çantaları berildi.

“Qutqaruv melekleri” hayriye fondu, UNICEFniñ yardımınen, mecburen tahliye etilgen balalı qorantalar içün bir kerelik para yardımını azırladı. Onıñ miqdarı er bir qoranta azası içün 10 800 grivna teşkil ete.

İhtiyacı olğan er kesni yerleşmek içün azırlanğan yerlerge alıp ketkenler.

Hatırlatamız ki, tahliye bedava yapıla. Cebe yanındaki topraqlardan tahliye etmege isteseñiz, ReNazirliginiñ 1548 nomerağa telefon etip, haber ete bilesiñiz.