Vitse baş nazir İrına Vereşçuknıñ yolbaşçılığı altında keçirilgen oturışta Arbiy vaziyet şaraitinde ealiniñ mecburiy tahliyesi idare ştabınıñ azaları, mütenasip qararnı aldılar.

İdare ştabınıñ iştirakçileri bir ağızdan Donetsk vilâyetiniñ ayrı meskün yerlerinden ana-babaları ya da başqa qanuniy vekillerinen balalarnıñ mecburiy tahliyesini desteklediler.

Umumen 21 bala ana-babası ya da başqa qanuniy vekillerinen beraber tahliye etilecek.

Daa telükesiz yerlerde, tahliye etilgen balalar ve olarnı ozğarğan insanlar bedava sığınaq, gumanitar yardım, ruhiy destek ve ilâhrenen temin etilecekler.

Qayd etmek kerek ki, tahliye bedava yapıla. Evelden yazılmaq içün, Donetsk vilâyetiniñ arbiy memuriyetiniñ tahliye meseleleri sıcaq hattına 0 800 408 911 nomerasına telefon etmek kerek.

Tahliye etmek istegenler ReNazirliginiñ 1548 sıcaq hattına muracaat ete bileler ya da WhatsApp/Telegram/Viber messengerimizge yaza bileler: (096) 078-84-33.