“Amurdaki eyilik” hayriye fondunıñ yardımınen Dnipropetrovsk ilmiy-tedqiqat makemede araştırmaları institutınıñ binalarından birinde sığınaq abadanlaştırıldı.

DAKniñ anda yaşamaları içün qanunğa deñişmeler kirsetmek kerek edi. Şu cümleden, institutnıñ binalarını hayriye teşkilâtına kirağa bermek mümkün.

Bu mesele, vitse baş nazir İrına Vereşçuknıñ yolbaşçılığınen keçirilgen DAK içün mesken meseleleri oturışında köterildi.

O, Ukraina Devlet mülkiyeti Fondu, Ukraina Adalet Nazirligi ve Dnipropetrovsk ilmiy-tedqiqat makeme araştırmaları institutınen beraberlikte baqılğan soñ, “Amurdaki eyilik” Hayriye fondu ve Ukraina Devlet mülkiyeti fondu arasında işbu binanıñ kira añlaşması tizildi.

Bundan da ğayrı, Dnipropetrovsk vilâyetiniñ arbiy memuriyeti bu obyektni vaqtınca yaşav yerleri cedveline kirsetti. Bu meseleniñ müsbet çezilüvi, tahminen 270 devlet içinde köçip kelgen şahısnı vaqtınca meskennen temin etmege imkân berdi.

“Bu işnen oğraşqan er keske teşekkür bildirem. Cebeden ve vaqtınca işğal etilgen topraqlardan çıqqan insanlarnıñ sığındırılması pek müimdir. Biz olarğa telükesiz yaşamaq içün kerekli şaraitni yaratmaq kerekmiz”, – dep İrına Vereşçuk qayd etti.