Merkezde, devlet içinde köçken şahıslar bedava aşayt malzemeleri, gigiyena çantaları ve başqa kerekli şeylerni ala bileler. Em de uquqiy ve ruhiy yardım ala bileler.

Vitse baş nazir İrına Vereşçuknıñ yolbaşçılığında Herson vilâyetiniñ gumanitar cevap berüv oturışında köçip kelgenlerge yardım merkezleriniñ donatılması meselesi muzakere etildi.

Şu cümleden, Herson vilâyetini terk etmege mecbur olğan insanlarğa qoltutmaq içün Mıkolayivde gumanitar merkez aqqında söz yürsetildi.

O, Herson vilâyetiniñ arbiy memuriyetiniñ imayesi altında donatıldı. Teşebbüsni yerine ketirmek içün “Ukrproftur” PAT bedava yerni berdi.

“Devlet içinde köçip kelgenlerniñ meselelerini añlağan ve yardım etmege istek köstergen iş adamlarına minnetdarım. Şu cümleden, “Ukrproftur” şirketiniñ prezidenti Serhiy Striletske teşekkür bildirem. Ümüt etem ki, işbirligi yardımınen daa çoq böyle merkez açılacaqtır”, – dep vitse baş nazir qayd etti.