Para yardımı, 2023 senesiniñ arman ayından berli çalışqan Birleşken Milletler Teşkilâtınıñ Dünya aşlıq programması (DAP) leyhası vastasınen berilecek.

Oña binaen, faal ya da cenk areketleri ola bilecek yerlerde yaşağan, pensiyası alçaq pensiyacılar, pensiyalarına qoşularaq, maliyeviy yardım ala bileler.

Humanitar leyhanıñ bir senesi devamında 360 biñden çoq pensiyacı para aldı. Finlândiyanıñ yardımınen BMTnıñ DAP bu programmanı 2024 senesiniñ soñuna qadar devam ettirdi.

Umumen, cenk başlağanından berli Finlândiya Ukrainada BMTnıñ DAPnıñ gumanitar leyhalarına 11 million yevro berdi. Bu miqdarnıñ 8 millionı cebe yanındaki rayonlarda ukrainlerge aşayt yardımını bermek ve eñ zayıf kategoriyalarğa maliyeviy yardım köstermek içün qullanıldı, daa 1 million yevro — Harkiv vilâyetinde ziraat topraqlarını minalardan temizletmek içün.