Modul şeerçigi Çornoboyevka cemiytinde yerleşe. Herson vilâyetiniñ arbiy memuriyeti bunı bildirdi.

Şeerde Rusiyeniñ istilâsı sebebinden evsiz qalğanlar, çoq balalı qorantalar, balalı qorantalar, saqatlılar, arbiy areketlerniñ iştirakçileri, esli-başlılar, elâk olğan mudafaacılarnıñ qorantaları ve Herson vilâyetinde yaşağan ÇAES qazası neticesinde zarar körgenlerniñ qorantaları yerleşe bileler.

Kompleks dört modulden ibaret. Er birinde 4 yataq içün 21 mesken odası bar. Modulda 2 duş, 2 temizleme odası, yuvma odası, oyun alanı ve aşhane-yemek odası bar.

Bütün odalar oñaytlıq içün kerekli olğan tehnika, mefruşat ve er şeynen donatılğan. Balalar içün oyun meydançığı azırlanılğan, anda balalar meraqlı ve faydalı vaqıt keçire bileler.

Yañı modul şeerçigi bir kereden 336 insannı sığdıracaq. Tafsilâtlı malümat almaq ya da anda yaşamaq istegini bildirmek içün +38 (099) 207 0473 nomerasına muracaat etmek mümkün.