Birleşken Milletler Teşkilâtı Ukrainadaki Balalar Fondınıñ (UNICEF) Temsilciliginiñ programmalarına para berilmesiniñ arttırılması Rusiye Federatsiyasınıñ silâlı tecavuzı neticesinde zarar körgen ukrain balalarına ve qorantalarına acele yardım köstermege devam etecek.

Norvegiya, Ukrainada gumanitar çağıruvlarğa cevap berüv saasında UNICEFniñ beşinci eñ büyük maliyeviy ortağıdır. Bu ortaqlıq sayesinde ukrain balaları ve qorantaları balalarnı qoruv, tasil, sağlıq saqlav, içtimaiy hızmetler, suv ve sanitariya saalarında yardım alalar.

Daa evel Karitas Ukrainağa gumanitar yardım içün qoşma para ayırğanı ve Finlândiya ükümeti tarafından cebe yanındaki topraqlarda ukrain pensiyacılarına destek quvetleştirilgeni aqqında haber etilgen edi.