Vitse baş nazir İrına Vereşçuk intervyuda devletniñ çetelde yaşağan vatandaşlarınen bağlarınıñ esas qısımlarını böylece tarif etti.

Onıñ aytqanına köre, çetelde yaşağan ukrainler içün milliy ve devlet kimligini saqlap qalmaq müimdir.

Devletniñ buña yardım etecek adımları arasında memur, ilk evelâ, çetelde vatandaşlarnıñ pasport hızmetini qayd etti.

Aynı derecede müim olğan faktorlar – tasil ve tildir.

“Çetelde balalarımıznıñ ukrain tilini ögrenüvine qol tutmaq içün elimizden kelgenini yapmalımız. Ukrain kitapları, tasil usulları ve programmaları, olarnıñ ögrenüvinde bütün seviyelerde eñ keniş şekilde qullanılmalı”, – dep İrına Vereşçuk qayd etti.

Bundan ğayrı o, çetelde ukrain kilsesini temsil etmek kerekligini qayd etti. Çünki bu, başqa memleketlerge köçip kelgen insanlarnıñ Vatanlarına bağlanmasında küçlü bir temel ola bile.