Taqiqat malümatına köre, şübelengen qadın 2022 senesi berim ayında işğalcilernen işbirlik tuttı ve Kahovka belediye bölgesiniñ Vasılivka topraq idaresiniñ yolbaşçısı olmağa razı oldı.

Herson vilâyetiniñ prokurorlığınıñ matbuat hızmeti bu aqqında haber berdi.

Qayd etilgenine köre, yerli sakin qanunsız akimiyet organında çalışmaq içün hadimlerni saylap aldı ve yerli ealine Rusiye pasportını bermege yardım etti.

Bundan ğayrı, o, işğalcilerni meskennen temin ete ve cemaat topraqlarındaki blok noqtalarından avtomobil naqliyatınıñ keçmesini nezaret ete edi.

Ukraina Cinayet qanunnamesiniñ 111-1. maddesiniñ 5. qısmına binaen uquq qorçalayıcılar qadınnı duşmannen işdeşlik faaliyeti içün ğıyabiy şekilde şübe bildirdiler. O, 5-10 senege maküm etile bilir.