Mütenasip qararnı arbiy vaziyet şaraitinde ealiniñ mecburiy tahliyesi idare ştabınıñ azaları, vitse baş nazir İrına Vereşçuknıñ yolbaşçılığı altında keçken oturışta qabul ettiler.

 

İdare ştabnıñ iştirakçileri bir ağızdan Donetsk vilâyetiniñ ayrı meskün yerlerinden ana-babaları ya da başqa qanuniy vekillerinen balalarnıñ mecburiy tahliyesini desteklediler.

 

Donetsk vilâyetiniñ Pokrovsk ve Kramatorsk rayonlarınıñ meskün yerlerinden telükesiz bölgelerge tahliye etilmesi aqqında söz yürsetile. Şu cümleden, Selıdove ve Novoğrodivka şeerlerinden.

 

Tahliye 60 künden soñ yapılacaq. Tahliye içün qabul noqtası açıldı.

 

Telükesiz olğan yerlerde, tahliye etilgen balalar ve olarnıñ vekilleri bedava sığınaq, gumanitar yardım, ruhiy destek ve ilâhrenen temin etilecekler.

 

Hatırlatamız ki, tahliye bedavadır. ​​Evelden yazılmaq içün Donetsk VAMniñ tahliye meseleleri sıcaq hattına telefon etmek kerek: 0 800 408 911.

 

Bundan ğayrı, tahliye istegiñizni ReNazirliginiñ sıcaq hattına bildirmek mümkün: 15-48. WhatsApp/Telegram/Viber qullanımları vastasınen de beyanat yazıp yollaya bilirsiñiz: (096) 078-84-33.