Milliy malümat bürosınıñ yolbaşçısı Oleh Kujelev, duşman tarafından esir alınğan ya da ğayıp olğan Ukraina Devlet sıñır hızmetiniñ askerleriniñ qoranta azalarınen körüşüvde iştirak etti. Tedbir Ombudsman Ofisinde olıp keçti.

 

Qorçalayıcılarnıñ tuvğanlarınıñ suallerine Ukraina Yuqarı Şurasınıñ insan aqları vekâletlisi, Ukraina Devlet sıñır hızmeti, Cenk esirlerinen munasebet meseleleri idare ştabınıñ, Ukraina Havfsılzıq hızmeti, Milliy malümat bürosı ve Halqara Qızıl Haç Eyyetiniñ vekilleri cevap berdiler.

 

Vatandaşlarımıznıñ qaytuvı nasıl alıp barılğanı ve Rusiye tarafından askerlerimizniñ tutuv şartlarını belgilemek içün nasıl teşebbüsler yapılğanı aqqında laf ettiler.

 

Ukrainanıñ Jenvre şartnamesine riayet etkenini qayd ettiler, şunıñ içün insanlarımıznıñ qaytarılmasında eñ evelâ ağır yaralanğanlar ve qadınlar qaytarılmalı. Amma Ukraina halqara toplulıqnı Rusiyege tesir etmege çağıra.

 

Bundan da ğayrı, cenk esirleriniñ tuvğanları duşman tarafından yapılğan manipulâtsiya ve malümat ücümlerine oğramamağa çağırdılar.

 

Qızıl Haçnıñ temsilcileri, qaytarılğan imayeciler öz teşebbüsinen eyyetke muracaat etip, Rusiye tarafından tutuluv şaraiti ve olarğa nisbeten munasebet aqqında aytıp bere bileler, dep bildirdiler. Bu kibi intervyülerden alınğan malümatnı HQHEniñ vekilleri ilerideki işlerinde qullanacaqlar.

 

Oleh Kujelev qayd etti ki, Milliy malümat bürosı, III. Jenevre şartnamesine köre, mabüslerniñ qorçalayıcıları ve tuvğanları arasında yazışmağa yardım ete. Eki sene içinde eki tarafqa 12,5 biñden çoq mektüp yollanıldı.

 

Cenk esirlerine mektüpler yazmaq içün talimat ve qaidelerni MMBnıñ saytında oqumaq mümkün.