Telükesizlik rayonına daa 55 qoranta (114 insan) keldi. Olarnıñ arasında 21 bala ve 10 saqatlı insan bar.

 

Donetsk vilâyetinden çıqqan vaqıt balaları olğan qorantalar UNICEF ve “Qurtaruv melekleri” Hayriye fondu” tarafından er insan içün 10 800 grivna qoşma ödeme almaq içün qayd etildi.

 

Bundan da ğayrı, episi boşatılğanlarğa World Central Kitchen bedava aş ve ruhiy destek berildi. Halqara qurtaruv eyyeti balalar ve ösmürlerge çantalarnı berdi.

 

Rivne vilâyetiniñ demiryol vokzalında qabul etüv noqtası teşkil etildi.

 

Anda tahliye etilgenler yemek qutuları, sıcaq içimlikler, sandviçler ve gigiyena çantalarını ala, em de ruhiy ve uquqiy yardım ala bileler.

 

Bu, “Qızıl Haç” teşkilâtı, “İntegratsiya merkezi” teşkilâtı, “Rokada” hayriye fondu, “İçtimaiy-ruhiy yardım künlük merkezi” ve “Qoruq aqqı” hayriye fondu kibi cemaat teşkilâtlarınen işbirligi sayesinde oldı.

 

Hatırlatamız ki, tahliye bedava yapıla. Arman ayınıñ soñuna qadar Rıvne vilâyetine tahliye trenleriniñ cedvelini ve evelden yazılmaq içün qaynar hatlarnıñ nomeralarını mında ögrenmek mümkün.