“Bu, 20 senelilk karyeramda körgenim eñ yaramay şey. İşkence muntazam ve sıq rastkelgen, esirlerniñ 95%-den çoqusı buña oğradı. Bu, şübesiz, arbiy cinayettir”, – dep Nederlandse Omroep Stichting Felemenk telekanalında BMT nezaret missiyasınıñ Ukrainada insan aqları yolbaşçısı Daniel Bell bildirdi.

 

Aynı zamanda BMTnıñ temsilcisi qayd etti ki, Ukrainada Rusiye esirlerine nisbeten munasebetler mükemmel ve tutuluv şaraiti halqara gumanitar uquqqa uyğan.

 

BMTnıñ temsilcileriniñ Ukrainada tutulğan ruslarğa tam irişimi bar ve olarnen qonuşa bileler, amma Rusiyedeki ukrainalı mabüslerge irişimi yoq.

 

ReNazirligi Ukraina topraqlaında halqara gumanitar uquqqa riayet etilüvini nezaret ete ve onıñ bozuluvlarını belgiley. Şu cümleden, ukrain esirlerine qarşı yapılğan arbiy cinayetler aqqında.

 

ReNazirliginiñ Milliy malümat bürosı, hususan deñişmeler çerçivesinde olarnı azat etmek içün, Rusiye Federatsiyasında qanunsız tutulğan ukrainler aqqında malümat toplay.

 

Nazirlik gumanitar teşkilâtlarnı, şu cümleden Halqara Qızıl Haç Eyyetini, istilâcı devlet tarafından tutulğan ukrainalılarğa irişimni talap etmege ve Rusiye tarafından halqara gumanitar uquq qaidelerniñ yerine ketirilmesini temin etmege çağırdı.

 

Hatırlatamız ki, İsviçrede keçirilgen Dünya barışıq sammitinde ukrain tarafı Rusiyeden cenk esirleri ve vatandaş reineleriniñ qoruvı saasında halqara uquqqa riayet etmesini talap etmege çağırdı. Şu cümleden, bütün hasta ve ağır yaralanğan esirlerni, em de vatandaşlarnı, şu cümleden balalarnı azat etmek kerek edi.