Donetsk vilâyetinden köçürilgen tibbiy müessiselerni Ukrzaliznıtsâ hastahaneleri bazasında yerleştirüv muzakere etildi. Bundan da ğayrı, böyle hastahanelerden birinde ruhiy sağlıq merkeziniñ teşkil etilmesi de baqıldı.

 

Oturışqa sağlıq naziri Viktor Lâşko ve “Ukrzaliznıtsâ” ATnıñ idaresiniñ azası Oleksandr Pertsovskıy qoşuldılar.

 

Qayd etmek kerek ki, vitse baş nazir İrına Vereşçuk ve sağlıq nazirliginiñ yolbaşçısı Rusiye Federatsiyasınıñ silâlı tecavuzından zarar körgen insanlarğa ruhiy sağlıq saqlav ve ruhiy yardım kösterilüvi meseleleri idarelerarası idare şurasınıñ reisleridir.

 

Bundan da ğayrı, muzakerede Astyapı nazirligi, Ögrenüv-ilmiy Ruhiy sağlıq institutı ve “Ukrzaliznıtsâ” ATnıñ temsilcileri iştirak ettiler.

 

Birlikte hastahaneni ziyaret etip, tibbiy hadimlernen subetleşken ediler.

 

Oturış neticesinde 2. demiryol naqliyatında Kıyiv klinik hastahanesiniñ binalarını Donetskniñ köçürilgen tibbiy müessiselerine kirağa bermege ve soñra bu binalarnı Sağlıq nazirligine bermege qarar alındı.

 

Ruhiy sağlıq merkezini yerleştirmek içün mesüliyetli müessiseler başqa binalarnı baqıp qarar alacaqlar.