Halqnıñ telükeler ya da fevqulâde vaziyetlerde telükesiz rayonlarğa tahliye etilmesi meselesi baqıldı.

Bugün Ükümet tarafından bunıñnen bağlı qarar qabul etildi. O, kütleviy sürgünlikke qarşılıq kösterüv ve tahliye tedbirleriniñ koordinatsion ştabları aqqında standart qaidelerni tasdıqlamağa teklif ete.

Bundan ğayrı, vesiqada 2013 senesi orta küz ayınıñ 30-nda qabul etilgen 841. Ukraina Nazirler Kabinetiniñ qararınen tasdıqlanğan fevqulâde vaziyetler ya da telüke vaziyetinde tahliye etüv tertibine deñişmeler kirsetilmesi teklif etile.

Deñişmelerge köre, İdare ştabı vaqtınca mesleat organı ola.

Olar devlet, bölge ve yerli seviyelerinde meydanğa ketirile bile. Olar teşkil etilse, İdare Ştabları, mütenasip seviyede tahliye tedbirleriniñ teşkil etilmesi ve idaresi boyunca baş organ olalar.

Bundan ğayrı, Koordinatsion ştablar tahliye, tehnologik-ekologik telükesizlik ve fevqulâde vaziyetler meseleleri boyunca komissiyalarnen işbirlik tutmaqta.

İşbirlik, tahliye tedbirleriniñ teşkil etilmesine doğrultıla. Bu maqsatnen eyyetler İdare ştablarına böyle tedbirlerniñ keçirilmesi boyunca tekliflerni bereler.

Akt, Devlet fevqulâde vaziyetler hızmeti tarafından işlep çıqarıldı ve vitse baş nazir İrına Vereşçuknıñ yolbaşçılığı altında cenkiy vaziyette ealiniñ mecburiy tahliyesi meseleleri idare ştabınıñ işi çerçivesinde baqıldı.

Qarar, tahliye tedbirleriniñ planlaştırılması, teşkil etilmesi ve keçirilmesi boyunca grajdan qoruvı saasında çalışqan qanunlarnıñ talaplarını mükemmelleştirmege ve uyğunlaştırmağa doğrultıldı.