Merkez Sokırânsk cemtiyetinde açıldı. Onıñ bazasında liderlik qabiliyetleriniñ inkişafı, zenaatnıñ saylavı, işke kirüv ve öz işini başlatuvnen bağlı oquv treningi keçirile. Köçip kelgenler kompyuter beceriklerini de inkişaf ettire bileler.

Çernivtsi vilâyet şurasınıñ Facebook saifesinde bu aqqında haber etildi.

Merkezniñ semereli çalışması içün 10 noutbuk, proyektor, ekran, basıcı ve yımşaq divan köşeleri satın alındı.

Ögrenilecek bilgiler ve beceriler iş tapmaq içün DAKlerge yardım etecek.

İntegratsiya merkezi “Ğarbiy ve Merkeziy Ukrainada toplu yaşağan yerlerde ve olardan tış köçip kelgenlerge devamlı destekniñ yardımı” leyhası çerçivesinde açıldı. Leyha Acted Ukraine teşkilâtınıñ maliye desteginen “İnnovatsiyalar qıdıruvı” cemaat teşkilâtı tarafından amelge keçirile.