Yaqın vaqıtqa qadar VİETdan ukrainler, Ukraina ükümetiniñ nezaretindeki topraqqa Sumı vilâyetindeki “Kolotıilvka — Pokrovka” gumanitar koridorı üzerinden qaytqan ediler. Şimdiki vaqıtta, duşmanlar tarafından açılğan ateş sebebinden, bu gumanitar yolnıñ işi toqtatıldı.

Çıqışnıñ mümkün olğan bir variantı “Mokrany — Domanove” Belarus-Ukraina sıñırındaki keçit noqtasıdır. Onı er angi ukrain vesiqaları olğan Ukraina vatandaşları qullana bileler.

Sıñırdan keçecek soñ olarnı yerli akimiyet, içtimaiy ve acele hızmetler ve göñülliler qarşılaycaqlar. Soñkisi qartlarğa ve areketleri sıñırlanğanlarğa yardım eteler. Bundan ğayrı, göñülliler insanlarnı bedava Kovel şeerine alıp keteler ve kerek olsa, Ukrainanıñ başqa bölgelerine tren biletlerini almağa yardım eteler.

Er keske bedava gecelemek ve aşamaq imkânı temin etile.

Bundan da başqa, halqara teşkilâttan 10 800 grivna miqdarında para yardımını almaq içün qayd etile ve bedava muvaqqat mesken, iş ve ilâhre qıdırmaq içün yardım berile.

Qırımnı terk etken ukrainlerge yardım etken teşkilâtlardan biri Helping to Leavedir. Cemaat teşkilâtınıñ temsilcilerinen +380 (93) 177 6458 telefon merkezine ya da @helpingtoleave_bot Telegram botına yazıp bağlanmaq mümkün.

Sualleriñiz olsa, ReNazirliginiñ 15-48 sıcaq hattına ya da WhatsApp/Telegram/Viber messengerine (096) 078-84-33 nomerasına yaza bilesiñiz. ReNazirliginiñ mütehassısı Nataliya Yemetske de muracaat etmek mümkün: (050) 562-03-13.