Onı Avropa Birligi ve Ukrainadaki Birleşken Milletler Teşkilâtınıñ İnkişaf Programması yardımınen Sınelnıkove şeerinde açtılar. Bu aqta programmanıñ saytında aytıla.

Halqara ortaqlarımıznıñ yardımınen binada tamir işleri yapıldı, mevruşat ve tikiş donatmaları satın alındı. Umumen, anda hoş ve tınç bir müit bar.

Yaşlar ve yerli sakinler içün el işi ve tikiş dersleri keçirile. Eñ yaş ziyaretçisi 50 yaşında, eñ yaşlı ise 88 yaşında.

Ziyaretçiler fikirdeşlerinen meraqlı ve faydalı bir vaqıt keçire bileler. Böyleliknen, köçip kelgenlerniñ yañı cemiyetine alışuv esnası daa qolay ve oñaytlı ola.

Bundan da ğayrı, merkezde muntazam sürette ruhiy mesleatlar keçirile. Gruppa körüşüvleri daa çoq qullanıla. Olarğa qorantalarnen keleler. Em de ruhiyatçınen bir-birine çalışmaq imkânı bar.