Forumda Ukraina prezidenti Volodımır Zelenskıy, Yuqarı Şuranıñ reisi Ruslan Stefançuk, baş nazir Denıs Şmığal, vitse baş nazir İrına Vereşçuk, ükümetniñ başqa vekilleri iştirak ettiler.

Tedbirniñ iştirakçileri arasında — çetel devletlerniñ diplomatik temsilcilikleriniñ yolbaşçıları, halqara donor missiyalarınıñ yolbaşçıları, gençlik teşkilâtlarınıñ vekilleri ve başqaları.

Forum vaqtında gençlerni Ukrainanıñ kelecekteki ğayrıdan quruvına celp etüv meseleleri muzakere etildi.

Tedbirde İrına Vereşçuk gençlernen subetleşip, olarnıñ bu esnaslarda faal iştirak etmeleriniñ müimligini qayd etti.

“Gençlik devletimizde deñişimniñ esas küçüdir”, — dep memur qayd etti.

Forumnıñ neticeleri cemaat ve devlet müessiselerine berilecek, böylece gençlik faaliyetiniñ ilerideki inkişafı ve 2026-2030 seneleri içün “Ukraina yaşları” Devlet maqsatlı içtimaiy programmasınıñ kontseptsiyasınıñ şekillenmesine yardım etilecek.

Tedbir Ukraina Prezidenti yanındaki Gençlik meseleleri şurası tarafından, Ukraina Prezidentiniñ Ofisinen işbirlik içinde, ve bir sıra halqara ortaqlarnıñ desteginen gençlik ve sport nazirliginen işbirlikte teşkil etildi.