Oturış Odesa VAMniñ reberligi, topraq cemiyetleri ve cemaat teşkilâtlarınıñ vekillerinen keçirildi.

Bölge ve yerli seviyelerinde veteranlar siyaseti meseleleri struktura bölükleriniñ teşkil etilmesi aqqında malümat eşitildi. Em de cemiyetlerde sabıq askerler içün yerler yaratmaq meselesi muzakere etildi.

Veteranlarnıñ yekâne devlet cedveliniñ malümatına köre, Odesa vilâyetinde bu statusnı aman-aman 69 biñ insan taşıy.

Vilâyette “Odesa vilâyetiniñ cenk veteranlarına yardım merkezi” ve Dobroslav qasabasındaki “Veteran Hub” hızmet ofisi” veteranlar hubı, “Veterans Hub Odesa” cemaat teşkilâtı muvafaqiyetli çalışalar.

İrına Vereşçuk vilâyet ve cemaat reberlerini veteranlar merkezleriniñ teşkil etilmesine ve veteran memuriyetleriniñ “bir penceresiniñ” meydanğa ketirilmesine diqqat ayırmağa çağırdı.

“Eñ esası — cemiyetlerde çalışmaqtır. Olar, sabıq askerler içün oñaytlı olmalılar”, — dep vitse baş nazir qayd etti.