“Serbest Qırımğa mektüpler” aktsiyasına qol tutuv stendi “Bozulmaz bölük” festivaliniñ Qırım zonasında çalıştı. Ukraina Prezidentiniñ Qırım Muhtar Cumhuriyetindeki Temsilciligi bunı bildirdi.

 

Aktsiya cemiyetke vaqtınca işğal etilgen Qırım yarımadasında qanunsız olaraq apiske alınğan Ukraina tarafdarları aqqında hatırlatmaq içün teşkil etildi. Onıñ çerçivesinde er istegen insan qırım siyasiy mabüslerine qol tutqanını ayta bile edi.

 

Hatırlatamız ki, “Serbest Qırımğa mektüpler” kampaniyası 2024 senesiniñ soñuna qadar devam etecek. Mektüp yazmaq içün talimatlarnı bağlantıdan baqmaq mümkün.

 

Mektüplerni aşağıdaki adreslerge yollamaq mümkün:

 

• İnsan aqları aqqında malümat merkeziniñ adresine (yollayıcı para ödey). а/s V-539, Kıyiv, 01001;

 

• [email protected] elektron poçtasına yollamaq içün.

 

Teşebbüsniñ teşkilâtçıları – ReNazirligi, Ukraina Prezidentiniñ Qırım Muhtar Cumhuriyetindeki Temsilciligi, Ukrain PEN, ZMINA insan aqları merkezi.