Ukraina prezidenti Volodımır Zelenskıy Kursk vilâyetindeki vaziyetke dair oturış keçirdi.

Oturışta Ukraina Silâlı quvetleriniñ Baş komandanı Oleksandr Sırskıy, baş nazir Denıs Şmığal, vitse baş nazir İrına Vereşçuk, içki işler naziri İhor Klımenko ve Ombudsman Dmıtro Lubinets iştirak ettiler.

Oturışnıñ iştirakçileri Ukraina toprağına bağlı “bufer zonasında” havfsızlıq kefaletlerini muzakere ettiler.

Bundan ğayrı, oturışta yerli ealige nisbeten gumanitar tedbirlerniñ keçirilmesi içün HQHE, BMT ve başqa halqara teşkilâtlarnıñ temsilcilerine irişim meseleleri muzakere etildi.

İrına Vereşçuk, Ukraina nezareti altında bulunğan Kursk vilâyetiniñ meskün yerlerine gumanitar yardım ketirilgeni aqqında haber etti.

Volodımır Zelenskıy qayd etti ki, Ukraina, öz-özüni mudafaa aqqını amelge keçirip, memleketimizniñ sıñırdaki cemiyetlerindeki insanlarnıñ ayatını qorçalap, Rusiye toprağında faal areketlerni kerçekleştire. Amma Ukraina Mudafaa quvetleri halqara şartnamelerniñ ve halqara gumanitar uquqnıñ talaplarına riayet eteler.