Zaporijjâ ve Herson vilâyetlerinden balaları olğan qorantalar Ukraina ükümeti nezaretindeki topraqlarda bulunalar.

Bunı Yuqarı Şuranıñ insan aqları vekâletlisi Dmıtro Lubinets Telegram kanalında bildirdi.

Ana-babalarnıñ aytqanına köre, balalarını rus mektebine oqutmağa ve rus bayramlarını qayd etmege mecbur etken ediler. Bundan da ğayrı, Ukraina vatandaşları Rusiye vesiqalarını alması içün basqı yapıldı.

Cemiyet teşkilâtları ve hayriye fondları devlet organlarınen beraberlikte qorantalarğa kerekli yardım köstereler. Şu cümleden “Krıla” Çoq balalı qorantalar birleşmesi” ve “Karitas-Spes Ukraina” Hayriye fondu.