Telükeli bölgeden 175 insan tahliye etildi, olar arasında 41 bala ve 19 saqatlı insan bar.

Tahliye etilgenlerni Rivne vilâyetiniñ 14 topraq cemiyetine yerleştirecekler.

Demiryol vokzalındaki qabul noqtasında tahliye etilgenlerni aşağıdaki şeylernen temin etildi:

• tibbiy yardım (yerde üç acele tibbiy yardım taqımı bar);
• trenden enmege yardım etüv, eşyalarnı avuştıruv ve ilâhre (Fevqulâde vaqialar devlet hızmeti ve Milliy polits hadimleri);
• naqliyat teşkilâtı (vilâyet arbiy memuriyeti ve topraq cemiyetleri);
• ruhiy yardım ve aşayt malları (Ukrainadaki Qızıl Haç Teşkilâtı, “İntegratsiya Merkezi” cemiyet teşkilâtı, “İçtimaiy-ruhiy yardım kündelik merkezi” KZ);
• halqara teşkilâtlardan paralı yardım (işniñ idaresini “Qorçalav aqqı” HF ve “Rokada” HF alıp bardılar).

Donetsk vilâyetiniñ sakinleri Norvegiya qaçaqlar şurasından (NRC) 10 800 grivna miqdarında para yardımı içün qayd etildi.

Donetsk vilâyetinden Rıvne vilâyetine tahliye trenleriniñ areket cedvelini ve evelden yazılmaq içün kontaktlarnı mında oqumaq mümkün.