Balalar Ukrainanıñ vaqtınca işğal etilgen topraqlarında ve Rusiye Federatsiyasında bulundı. Olarnı Prezident Volodımır Zelenskıy tarafından teşebbüs etilgen Bring Kids Back UA planı çerçivesinde qurtarğanlar.

 

Save Ukraine hayriye teşkilâtı bu aqqında haber berdi.

 

Qaytıp alınğanlar arasında İvano-Frankivskte yaşağan 16 yaşında bir qız bar. 2021 senesi o, babasına Rusiyede köçti, amma onıñ facialı yol qazasında ölüminden soñ yalıñız qaldı.

 

Rusiye akimiyeti qıznı qalmağa ve Rusiye vatandaşlarınıñ qoruyıcılığını almağa razı etmege tırışsa da, o, evge qaytmağa tırışa edi. Şükür ki, onı anasınıñ yanına ketirip oldılar.

 

Bundan da ğayrı, eki ukrain qorantası Herson vilâyetiniñ vaqtınca işğal etilgen sol yalısından qayttı. Olar üç oğlannı büyüteler. Olarnıñ eñ küçügi 10 yaşında, eñ büyügi ise 17 yaşında.

 

Herson VAMniñ yolbaşçısı Oleksandr Prokudin bunı bildirdi.

 

Şimdi balalar ve ana-babaları telükesiz yerlerdelerdir. Bütün kerekli hızmetler ailelerniñ yañı yerlerge alışuvına celp etildi.