Vitse baş nazir İrına Vereşçuknıñ reberliginde cenkiy vaziyet şaraitinde bala aqlarını qoruv meseleleri idare ştabınıñ oturışında bu aqqında haber etildi.

Milliy içtimaiy hızmetiniñ malümatına köre, soñki eki ay içinde Ukraina tışında yaşağan öksüz ve ana-babasız qalğan balalarğa çetelge çıqmaq içün tahminen beş yüz pasport berildi.

Vitse baş nazir İrına Vereşçuk Milliy içtimaiy hızmetke bu esnasnı konsullıqlar ve Devlet migratsiya hızmetinen idare etmege avale etti.

“Vaqtınca çetelge avuştırılğan statuslı balalar bütün kerekli vesiqalarnen temin etilsin dep çalışmağa devam etemiz”, – dep İrına Vereşçuk hulâsa çıqardı.

Hatırlatamız ki, keçenlerde vitse baş nazirniñ teşebbüsinen statuslı balalarğa bedava pasportlar berilmesi aqqında qanun deñişmeleri kirsetilgen edi.