Bugün Ükümet “Ukrainanıñ işğalden azat etilecek topraqlarında çalışmaq içün medeniyet ve malümat saası hadimleriniñ yedegini meydanğa ketirüv tertibatını tasdıqlama aqqında” qararını tasdıqladı.

 

Aktnıñ leyhası, devlet ve uquq qorçalayıcı organlarınıñ hadimleri yedeginiñ teşkil etilmesi boyunca oturış neticelerine köre, vitse baş nazir İrına Vereşçuknıñ vazifesini yerine ketirmek içün azırlandı. Bundan ğayrı, bu mesele bir qaç kere vitse baş nazirniñ yolbaşçılığındaki İşğalden azat etilecek topraqlar meseleleri idare ştabınıñ oturışlarında baqıldı.

 

Vesiqa şunı belgiley:

 

– hadimler yedegini teşkil etüv tertibi, yedegine kirmege istegen şahıslarnıñ şahsiy malümatlarınıñ işlenüvi;

– işğalden azat etilecek topraqlarda işini yañıdan başlağan medeniyet ve malümat saası müessiseleri, teşkilâtları ve şirketleriniñ ihtisaslı hadimlernen teminatı.

 

Yedek, “Ukrainanıñ işğalden azat etilecek topraqlarında çalışmaq içün medeniyet ve malümat saası hadimleriniñ yedegi” malümat-kommunikatsiya sistemasına abituriyentler aqqında malümatnı kirsetüv vastasınen elektron şekilde şekillendirilecek.

 

Aktnıñ ömürge keçirilmesi şunlarğa yardım etecek:

 

– işğalden azat etilecek topraqlarda medeniyet ve malümat saalarnıñ ğayrıdan tiklenüvi;

– bu saada çalışqan müessiseler, teşkilâtlar, işhanelerniñ hadimlerinen acele teminatı, olar öz işini işğalden azat etilecek topraqlarda ğayrıdan tikleycekler;

– cenk areketleri sebebinden işini coyğan işçilerniñ işke aluvı;

– köçip kelgenlerni işğalden azat etilecek topraqlarğa qaytarmağa ve olarğa iş yerleri bermege.

 

ReNazirligi, bu qararnıñ leyhasını azırlağan Medeniyet ve malümat siyaseti nazirliginiñ taqımına Ukrainanıñ ğayrıdan tiklenüvini tezleştirecek semereli iş içün minnetdarlığını bildire.