Cebege yaqın topraqlarnı destek etmek içün BMTnıñ QMA 30 million dollar ayıra
2024 senesi arman ayınıñ 21. künü ReNazirligi ve BMTnıñ qaçaqlar meseleleri agentliginiñ (BMTnıñ QMA), kelecek qış mevsiminde cebege yaqın cemaatnı destel etüv memorandumını imzaladılar.
Ukraina vitse baş naziri İrına Vereşçuk ve BMTnıñ Ukrainadaki QMAniñ Vekili Karolina Lindholm Billing añlaşmanı imzaladılar.
Memorandum çerçivesinde qattı turmuş yaqarlıq almaq içün zayıf ev hocalıqları içün 21 biñ grivna miqdarında bir kerelik ödeme yapılacaq.
Şu cümleden, Sumı, Harkiv, Herson, Luhansk, Donetsk, Dnipropetrovsk, Zaporijjâ, Mıkolayiv ve Çernihiv vilâyetleriniñ zayıf ev hocalıqları yardım alacaqlar. Birinciden çatışma sızığı ve rusiyenen sıñırından 10 kilometr uzaqlıqta yerleşken ev hocalıqları aqqında laf etemiz.
Programmanın umumiy büceti 30 million amerika dollarıdır.
«Men, BMTnıñ QMAne bizim cebege yaqın topraqlarımızğa böyle kerekli ve vaqtında yapılğan yardım içün minnetdarım. Beraber biz, gumanitar cebemizni tutamız. Beraber biz, bu qışnı normal şekilde yaşaycaqmız», — dep İrına Vereşçuk ayttı.
«BMTnıñ QMAniñ proioritetli vazifesi – qış aylarında cebege yaqın bölgelerde qalacaq ve energetika astyapısına doğrudan-doğu ateşlerge köre, belki bu sene ayrıca zor olacaq yerde qalğan insanlarğa qol tutmaqtır. Böyle insanlar, pek zayıf içtimaiy ve iqtisadiy vaziyette bulunalar, buña köre yaşamaq ve öz yaşayışını saqlap qaldırmaq içün olar daa çoq gumanitar yardımğa ihtiyac duyalar. Men pek memnünim ki, viran etici cenkniñ tesiri ayrıca çoq duyacaq kelecek qış mevsiminde bu ailelerniñ çoqusına qol tutmaq içün Ukrainanıñ vaqtınca işğal etilgen topraqlarınıñ reintegratsiya meseleleri bazirliginen uzun devamlı ortaqlığına işana bilemiz», — dep BMTnıñ Ukrainadaki QMAniñ vekili Karolina Lindholm Billing ayttı.
Qoşma malümat:
BMTnıñ QMAniñ bergeni 30 million amerika dolları, yardım paketiniñ qısmıdır. Bu paketniñ umumiy miqdarı 100 million amerika dollarıdır, dep BMTnıñ Qaçaqlar meseleleri yuqarı komissarı Filippo Grandi Ukraina Prezidenti Volodımır Zenelskıynen Kıyivde körüşkende haber berdi.