Vitse baş nazir İrına Vereşçuk, Halqara ilmiy tedqiqat ve deñişüvler şurasınıñ (Ukrainadaki IREX) davetnamesini alıp, tedbirge qatıldı. O, arman ayınıñ 21-22. künleri Kıyiv şeerinde olıp keçe.

 

Yerli seviyede qavğalarnı al etmek, DAKlerniñ integratsiyasına yardım etmek, DAKniñ integratsiyasınıñ yerli ve milliy planlarını azırlamaq ve Ukrainadaki vaziyetni yahşılaştırmaq maqsadınen DAKler ve qabul etken cemiyetniñ azaları, Ükümet ve kütleviy haber vastalarını birleştirmek içün soñ üç sene devamında “Areket içün birlik” programması çalışa edi.

 

Ukrainada devlet içinde alınğan kişilerniñ muntazam integratsiyasınıñ teminatınıñ neticelerini ögrenmek ve kelecek orta areketlerini muzakere etmek maqsadnen final tedbiri teşkil etildi.

 

Oña IREX, AQŞnıñ Devlet departamenti, İnsan aqları vekâletlisi, “Stabilization support servises” HFnıñ vekilleri qatıldı — umumen tedbirniñ tahminen 150 iştirakçisi oldı.

 

Bugünki tedbirniñ programması çerçivesinde “Areket içün birlik” programmasınıñ faaliyetibiñ neticeleri, DAKlerni destek etmege yönelgen grant leyhaları, DAK Şuralarınıñ advokat faaliyeti, milliy ve yerli seviyede çeşit türlü leyhalarnı yerine ketirüv tecribesi muzakere etilecek.

 

Vitse baş nazir qayd etti ki, programmanıñ yerine ketirilmesiniñ semereli neticeleri bar. Şu cümleden, vilâyet ve yerli seviyelerinde DAK şuraları aqqında laf etemiz.

 

«Epiñizge teşekkür bildirmege isteyim. Köçip kelgenlerniñ qabul etken cemiyetke integratsiyasınen bağlı olğan müim bir iş yapasıñız. Siziñ teşebbüsleriñizde Ükümetniñ destegine er vaqıt işana bilesiñiz!», — dep İrına Vereşçuk IREX, AQŞnıñ Devlet departamentiniñ vekilleri ve programmas-nı yerine ketirmege yardım etken er keske muracaat etti.