Halqara gumanitar uquq eyyetiniñ nevbetteki oturışı, vitse baş nazir İrına Vereşçuknıñ yolbaşçılığında olıp keçti. O, Rusiye Federatsiyasınıñ Kursk vilâyetinde cenk areketlerinde ukrain tarafınıñ halqara gumanitar uquq qaidelerine riayet etüv meselesine bağışlandı.

Ukraina Silâlı quvetleriniñ Baş ştabınıñ temsilcisi, oturışnıñ iştirakçilerine arbiy komendantlıqnıñ teşkil etilmesi ve nezaret altında olğan topraqlarda uquq qoruyıcılıqnı temin etüvde onıñ rolü aqqında malümat berdi. O, qayd etti ki, USQ yerli ealige suv, aşayt, ilâc ve tibbiy yardım köstereler.

Oturışnıñ iştirakçileri qayd ettiler ki, Ukraina halqara uquq qaidelerine riayet etüvge ayrı diqqat ayıra. Bu maqsatnen arbiy hızmetçilerge Halqara gumanitar uquqnıñ qaideleriniñ qullanuvı boyunca ögrenüv keçirildi.

HGU Eyyetiniñ oturışında Halqara Qızıl Haç Eyyetiniñ temsilcileri de bulundılar.

“Ukraina tarafı Kursk vilâyetindeki ameliyatta halqara gumanitar uquq qaidelerine riayet ete“, – dep İrına Vereşçuk qayd etti.