“Serbest Qırımğa mektüpler” aktsiyasına qol tutuv malümat çadırı Lvivde “Qırım vatandaş jurnalistleriniñ közlerinen: esirlikte 10 sene” fotoresim sergisi vaqtında çalıştı.

 

Teşkilâtçılar, ziyaretçilerge yarımadanıñ manzaralarınen poçta kartını saylap, siyasiy mabüslerge qol tutmaq çağıra ediler.

 

Aşağıdaki vastanen mektüp yollamaq mümkün:

 

• poçta adresi (yollağan insan fiyatını ödey): İnsan aqları aqqında malümat merkezi, а/s V-539, Kıyiv şeeri, 01001;

 

• e-mail: [email protected].

 

Bağlantığa basıp, mektüp yazuv qaidelerinen tanış olmaq mümkün.

 

Mektüp yollağanıñız siyasiy mabüsniñ adını mıtlaqa yazıñız. Cedveli ve şimdi qayda bulunğanlarını haritada körmek mümkün.

 

Hatırlatamız ki, fotoresim sergisi Odesa ve İvano-Frankivsk şeerlerinde keçken edi. “Serbest Qırımğa mektüpler” kampaniyası siyasiy mabüslerge qoltutmaq ve cemiyetke Kremlniñ ukrainalı mabüsleri aqqında hatırlatmaq maqsadınen teşkil etildi. O, Ukrainada ve onıñ tışında 2024 senesiniñ soñuna qadar devam etecek.

 

Teşebbüsniñ teşkilâtçıları – ReNazirligi, Ukraina Prezidentiniñ Qırım Muhtar Cumhuriyetindeki Temsilciligi, Ukrain PEN, ZMINA insan aqları merkezi.