Bugün, Ukraina Mustaqillik künü, daa bir esir deñişüvi oldı. Daa 115 qorçalayıcı duşman esirliginden azat etildi.

Esirlikten azat etilgenler arasında Milliy gvardiya, Silâlı quvetler, Arbiy-deñiz quvetleri ve Devlet sıñır hızmetiniñ askerleridir.

Esirlerniñ deñişimi Ukraina Prezidenti Volodımır Zelenskıynıñ avalesi ve Prezident Ofisi, Mudafaa nazirliginiñ Baş istihbarat idaresi, Ukraina Havfsızlıq hızmeti, İçki işler nazirligi, RNazirligi ve başqa müessiselerniñ ortaq ğayretinen yapıldı.

Ukraina Birleşken Arap Emirliklerine deñişimniñ azırlanmasında yardım ve aracılıq etkeni içün minnetdarlıq bildire.

Adet üzre azat etilgenlerge Milliy malümat bürosı ve ReNazirligi tarafından azırlanğan aşayt paketleri ve çantalar berilecek.

Bundan da ğayrı, MMB azat etilgen esirlerge vesiqalarnı ve sim-kartnı yanıdan almağa yardım etecek. Ve devletten 100 biñ grivna miqdarında bir kerelik para yardımını almaq içün vesiqalarnı resmiyleştirmege yardım etecek.