O, Berıslavsk rayonınıñ aphaneleri olmağan uzaq köyleri boyunca yürecek. Bunı Herson VAM bildirdi.

Mobil aphane Velıka Oleksandrivka, Vısokopilsk, Koçubeyiv, Borozen, Kalınivka, Mılivsk ve Novovorontsov cemaatlarınıñ 52 meskün yerini qaplaycaq.

Bu yerde em retseptsiz, em de retseptli ilâclarnı satın almaq mümkün. Em de “İrişilir ilâclar” programması çerçivesinde berilgen ilâclar almaq mümkün olacaq.

Yerli sakinler aphane noqtasınıñ peyda oluvı aqqında aile ekimi ya da yerli akimiyetten haber ala bileler. Onıñ marşrutı cemiyetlerniñ ihtiyaclarına ve telükesizlik vaziyetine köre belgilenecek.

Hatırlatamız ki, 2023 senesi arman ayında Ükümet, ilâclarnıñ tükân satıcılarına mobil aphane noqtalarını açmağa ruhset bergen qarar qabul etti. Olar, aphaneler olmağan köylerde çalışa bileler. Cenk vaziyeti vaqtında ise – cebedeki topraqlarda da.