Olar Brovarı ve Borıspil şeerlerinde çalışmağa başladılar ve “Veteran PRO” adını taşıylar. Kıyiv VAMniñ yolbaşçısı Ruslan Kravçenkonıñ Facebook saifesinde bu aqqında haber etildi.

Merkezlerde kerekli yardım “tek pencere” printsipi boyunca berilecek. Anda veteranlar ve olarnıñ qoranta azaları ruhiy destek, uquqiy mesleat, tedaviylev ve reabilitatsiya yardımını ala bileler.

Merkezlerniñ mütehassısları balalarnı tasil müessiselerine kirsetmege yardım etecekler, tasil almaq ve yañı zenaatnı qazanmaq imkânları aqqında malümat berecekler. Em de öz biznes leyhalarıñıznı ömürge keçirmek içün yardım ala bilesiñiz.

Vatandaşlarnıñ muracaatlarına köre, hızmetlerniñ cedveli kenişleştirilecek. Şu cümleden, soñra bu yerlerde sport zalları ve raatlıq zonaları qurulacaq.

Bundan da ğayrı, yaqın kelecekte böyle veteranlar yerleri Irpin ve Bila Tserkva şeerlerinde açılacaq.